SITNICE (NE) ČINE POVIJEST

– Čestitam! Kak si sam znal?! – veli On meni kad smo se prije dva-tri dana sreli, što se ni inače ne događa rijetko. „Spojili“ smo se odavno, kad je njegovomu nećaku trebalo pomoći u pisanju diplomske radnje na fakultetu; profesor-mentor je njemu, nećaku, za radnju zapisao ocjenu „odličan“, a meni izrekao usmenu pohvalu! Kasnije životne okolnosti pretvorile su moje poznanstvo s Njim u obostrano iskreno i čvrsto prijateljstvo.
– Kaj kak sem znal? – velim ja Njemu nakon otpozdrava.
– Pak potrefiti to kaj si napisal.
– A kaj sem takšega napisal pa k tomu i potrefil?
– Pa to, …prečital sem, …
– Pa kaj je to „to“? Bar ti znaš: napisal sem tulko sega kaj se nemrem niti zmisliti. To je jeno, a drugo: otkud bi ja mogel znati kaj si ti bog-te-pitaj gda i gde prečital?! Za ve sem išče ne takši coprnjak. A morti sem niti ne rom ja napisal?! – pokušavam se izvući.
– Ne, ne, jesi, naj se zmotavati. Tvojo pisanje i po duhi poznam, a kak ne bi po sliki. I to je bilo ve, ne tomu zdavnja, čistam friško. Znaš, i verji mi, ja prečitam se kaj ti dobroga i lepoga napišeš.
– A kak znaš kaj je lepo napisano i dobro za prečitati?
– Pak, Bog moj dragi, prečitam pak znam. Ali morti misliš kaj sem takši osel kaj nej razmel kaj je lepo i dobro, a kaj je ne?!
– Nedaj Bog, to sem ne rekel, a tulko jesem i ja spameten kaj nam tebi rekel kaj si ja mislim. Zato me naj potvarjati za ono kaj je ne. Neg’, nisi rekel kaj zapraf očeš?!
Kao i uvijek u našim razgovorima, ne On, nego ja moram se vraćati k temi, na početak.
– Pa rekel sem: praf si potrefil!
– A kaj sem potrefil, če smem itak jemput zezvediti?! V športsku prognozu znaš kaj ne verjem, za lutriju se držim prespametnoga (zna se što ima sreču!); jedino če bi z glavom zida iskal, to bi moglo zružiti, ali to ne delam kaj nej moral zida platiti!
– Daj-naj svetu smeha delati; zakaj se ve tak hecaš z menom, mesto kaj bi lepo rekel: je, tak je?!
– No: i kaj sem onda znal potrefiti ali pak potrefil znati? I če sem znal, je bilo teško potrefiti? A če sem potrefil, je ne sejeno jel sem znal ali ne? Pa kaj onda ve tu nekšu filozofiju tiraš? Poveč kaj misliš i šlus!
Nije bilo prvi put da smo se On i ja „tak spomiinali“. Ja napišem nešto od čega „ljudem se lasi zdižeju na plešivi glavi“, a On se pravi pametnim kao da je baš On sam izmislio čitav Svijet, pa kako onda ne bi i to?! Drugi puta napišem nešto o čemu i vrapci na krovu pjevaju, a On ni o čemu nema pojma, nego hoće znati pa ispituje: ako koza ima kratak rep i kratku pamet, ima li krava s dugim repom dužu pamet ili, ako nema, zašto nema. I tako nas dvojica: kao pas i mačka, a ne možemo jedan bez drugoga baš kao – pas i mačka!
I sad: ja neka pogodim što on misli da sam – opet ja – pogodio! A ja– pojma nemam!
– Pa ono za štreku.
– Kakšu štreku? – moram pitati, jer su mi misli usmjerene na ono što tek kanim pisati, a ne na ono što već jesam napisao.
– Pa onu našu, međimursku i horvatsku: kaj je sto pedest let bila, ve je i za navek ostane prva v Horvatski, pa če se makar si tam prek Drave na glavu postaviju.
– I kaj ve ja tu imam potrefiti?
– Praf si rekel kaj oni tam prek za to nečeju niti čuti, neg bi šteli nekaj kaj je ne.
– Kaj sem rekel, rekel sem, ali kaj ve to tebe boli?
. – A kaj si ne videl i čul, – otvorili su mu se svi ventili, – zapraf nisi niti mogel niti videti niti čuti, kajti na naši horvatski televiziji su za to ne niti pisnuli. Za to kaj je Međimurje, ž njim i trifrtale Zagorja i pol Podravine, pred stopadeset let dobilo otprta vrata v svet, v Kotoribi takša parada, dopelaju se ekstra-cugi, kakših zdavnja svet ni videl, z Pešte i Zagreba z „visokimi državnimi delegacijami“, za mađarskoga precednika „nem tudom“ je li bil, ali za našoga znam kaj je bil, i če očeš kaj od toga znati, moraš si mađarsku televiziju pogledati!! Daj se naš precednik nekam v Tunguziju otputil, več bi mi to i gledali i poslušali i tri dni predi i tri dni potli – jeni bi ga falili (za kaj?), drugi bi ga šimfali (za kaj?) – ali v Kotoribu de je onda-negda prvi put cug-mašina zafučnula na horvatski zemli?! Nečem niti pitati kulko se je televizačov dopelalo v Kotoribu i kaj su tam delali. A mislim si: mortik su i Kotoripčani fulali?! Daj se tam na štaciji zbili pak jenoga malo fpičili, drugoga malo zarezali, tretjemu oko skopali, a se skupa tak kaj bi jih otpelali jeno par v bolnicu, jen par v rešt, a nekoga mortik i na grobje, onak kak to drugde znaju, namo pitali gde, bi ti videl kulko bi minut Kotoriba dobila na televiziji?! A jena štreka, k tomu stara sto pedeset let, skorom kak Matuzalem, daj-naj biti smešen! Ni za drugo kak kaj bi ju, zna se več što, abmontiral za staro železo! To bi onda bil materjal za televiziju: mam bi pitala i spitavala kak si to Međimurci svoju štreku čuvaju i poštuvleju!
- Nisam ga zaustavljao jer se zaustaviti ne bi dao. Reći nešto na to, bilo „da“ bilo „ne“, bilo bi uistinu suvišno. Nego, dok je on tako pucao iz svih mogućih to-pova, sjetio sam se nečega što bi moglo objasniti stvar. To je pitanje: nisu li Kotoripčani „fulali“ kad su proslavu napravili na svome terenu? Ako se ne varam, dali su joj, ne sumnjam u dobru namjeru i ozbiljno kažem, nesumnjivo lijep, simpatičan i simboličan naziv „V Kotoribi cug-mašina fučnula“ – misleći valjda da je to bilo prvi put u Međimurju i Hrvatskoj, no to nije točno. Pruga se između Pragerskoga i Pešte gradila u isto vrijeme na različitim dionicama, tako se mogla i „štreka“ polagati, ali „cug-mašina“ je u Kotoribu mogla doći samo iz Pragerskoga, a to znači samo kad je taj dio pruge bio gotov, a to dalje znači da je u Međimurju „prvi put zafučnula“ negdje kod Trnovca i Macinca!
Bio sam neoprezan, pa sam to rekao Njemu. A On će:
– Jesi ti to videl! Onda je fešta trela biti v Macinci, na oni štaciji. Jeh, to bi ti bila prava stvar! Bi videl kaj bi tam bilo publike! Ali i kak televizija nej škrtarila niti s svojimi minutami, niti svojimi špotancijami na nas Međimurce!
Bojim se da On – „ni fulal“!